Meclîsa Jinên Kurd Danîmarkayê-Sêvê, ji bo sala nû li bajarê Rodovre yê Danîmarkayê li Sînema Atalas resepsiyonek da.

Di resepsiyonê de belgesela li ser jiyan û têkoşîna Sakîne Cansiz hat nîşandan. Gelek Danîmarkî jî tevlî resepsiyonê bûn.

Di resepsiyonê de Hozan Mizgîn stranên xwe pêşkêş kir. Her wiha nivîskar û helbestvanê Danîmarkî Tommy Flûgt jî helbesta xwe ya li ser Sakîne Cansiz, Fîdan Dogan û Leyla Şaylemez xwend.

Hevseroka Meclîsa Jinê ya Sêvê Zaxe Dogan jî got, "Di sala nû de em ê li ser xeta berxwedanê ya Sara û Sêvêyan têkoşîna xwe mezin bikin. Sala 2017'an wê bibe saleke me ku bi berxwedanê bi ser bikevin."