8'ê Adarê Roja Jinên Kedkar ên Cîhanê li Kobanê bi meşeke girseyî hat pîrozkirin.

Rêxistina Kongreya Star a Kobanê bi tevlîbûna jinên ji partiyên cuda, saziyên civakî yên sivîl û sedan jinên ji Kobanê û gundên wê, meşek organîze kir. 

Di meşa ku ji qada azadiyê destpê kir de wêneyên Rêberê Gelê Kurd Abdullah Ocalan û cangoriyên têkoşîna azadiyê hati hildan.

Jinan piştî meşê xwe gihandin qada nêzî sînorê Bakurê Kurdistanê û li vir mîtîngek lidar xistin.

Di mîtîngê de peyamên Kongreya Star û Rêveberiya Xweser hatin xwendin, berxwedana Bakurê Kurdistanê û Yekîneyên Parastina Jinê (YPJ) hatin silavkirin.

Çalakî bi qîrîna dirûşmên "Jin jiyan azadî", "Jin jiyanê dafirîne" bi dawî bû.