Jin ji bo Ocalan herikîn ber avahiya Neteweyên Yekbûyî
Bi sedan jinên li Kantona Cizîrê ya Rojavayê Kurdistanê, ji bo tecrîda li ser Reberê Gelê Kurd Abdullah Ocalan şermezar bikin, li ber avahiya Neteweyên Yekbûyî çalakiyek lidar xistin.
Ji bajarên Kantona Cizîrê bi sedan jin bi pêşengiya Kongreya Star li hev civiyan û ji bo şermezarkirina tecrîda li ser Ocalan ber bi avahiya Neteweyên Yekbûyî ya li taxa Kornîş a Qamişloyê ve meşiyan.
Jinan pankarta bi nivîsa "Azadiya Ocalan azadiya jinê ye" vekirin û dan xuyakirin, ku heta tecrîda li ser Ocalan were rakirin, ew ê her li qadan bin.
Çalakî dewam dike.
