Rêxistinên jinan ên li Başûrê Kurdistanê, wê ji bo şermezarkirina destdirêjiya mêr sibe dakevin qadan.

Li Silêmaniyeyê pêr jineke ciwan rastî tacîza desvkî ya mêran hatibû û rêxistinên jinan nearzîbûn nîşanî vê dabûn. Rêxistinên jinan dan xuyakirin ku destdirêjiya mêr a li hemberî jinan derketiye asteke xetere û bang li hemû jinan kirni ku sibe beşdarî çalakiya protestoyê bibin.

Jinên dest bi kampanya 'Em jin in, em ê li gorî dilê xwe kincan li xwe bikin' dan destpêkirin, ragihandin ku li Başûrê Kurdistanê destdirêjiya mêr roj bi roj zêde bûye û weke jin ew ê li hemberî vê bêdeng nemînin.

Li ser navê Koma Jinê ya Jiyan Bihar Mûnzûr anî ziman ku ew ê bi ti awayî rê nedin bûyerên bi vî rengî û bêdeng nemînin û got, "Rewşên bi vî rengî, ji bo ewlekariya jiyanê ya jinan xeteriyeke mein e. Eger ji ber kincên xwe em ê rastî heqaret û tacîza devkî werin, wê demê em ê neçar bimînin mîna jinên li Erebîstana Siûdî bi çarşaf bigerin. Ev yek li me tê ferzkirin. Divê em li hemberî vê rewşê bêdeng nemînin."

Bihar diyar kir ku ew ê îro saet 17:00 de jî li ber navenda Qasamall a li Silêmaniyeyê bimeşin û ji jinan xwest ku bi kincên li gorî dilê xwe tevlî meşê bibin.