Daxuyaniya Navenda Ragihandin û Çapemeniyê ya HPG’ê bi vî rengî ye:

“Hevrêyê me Soran Maprîs di 1’ê Tebaxa 2019’an de li Qada Berxwedanê ya Girê Karker a Zapê di êrîşeke dijmin de şehîd bû. Em zarokê bi wêrek ê Rojhilatê Kurdistanê, milîtanê Apoyî yê hêja hevrê Soran bi rêzdarî û minetdarî bi bîr tînin.

Hevrêyê me Soran ferq kir ku nirxên Kurdî yên neteweyî herî baş bi îdeolojiya Rêber Apo û tevgera PKK’ê re dikare bide jiyîn û dil da tevgera Apoyî. Hevrêyê me Soran fêm kir ku azadî bi hêsanî bi dest nakeve û ji bo vê yekê divê têkoşîneke xurt bimeşîne. Weke şoreşgerekî profesyonel biryar da ku aktîf tevlî têkoşînê bibe. Li ser vî bingehî hevrêyê me bêyî ku kêliyekî jî teredut bike, tevlî nava refên têkoşînê bû û her tim bi fedayiyane têkoşiya. Bi dilsoziya xwe ya kûr a bi rastiya şehîdan û Rêbertî re bû xwedî tevlîbûneke dirûst û samîmî. Fêm kir ku bîranîna her hevrêyek xwe yê şehîd, encex bi mezinkirina têkoşîna wan dikare bide jiyîn. Her tim pir ked da û bû xwedî hewldan. Hevrêyê me Soran bi vê taybetmendiya xwe di dilê hemû hevrêyên xwe de cih girt û bi xebatkarî, dirûstî, kedkarî û hevrêtiya xwe ya xurt ji hemû hevrêyên xwe re bû milîtanekî Apoyî yê mînak.

Weke hevrêyên wî em di serî de ji malbata wî ya hêja re ku şoreşgerekî mîna hevrê Soran bi têkoşîna azadiya gelê me dayî qezenckirin, ji hemû gelê xwe Ciwanro û Kurdistanê yê welatparêz re sersaxiyê dixwazin.

Agahiyên derbarê nasnameya hevrêyê me Soran, bi vî rengî ne:

Gelê me yê Rojhilatê Kurdistanê xeyal û hêviya xwe ya Kurdistana azad her timî zindî hiştiye û ji bo vê yekê carekê jî xwe ji têkoşînê nedaye paş. Xwedî li têkoşînên li parçeyên din ên Kurdistanê jî derketiye û ewladên xwe yên herî hêja weke berdêl daye. Gelê me yê Rojhilatê Kurdistanê ji ber têkoşîn û şerê xwe yê azadiyê ya bi salan, dizane ku welatparêziya rast û hezkirina welêt berdêl dayîne. Gelê me ji her demê bêhtir nêzî azadiyê ye.

Hevrêyê me Soran li bajarê Ciwanro yê Rojhilatê Kurdistanê ku rastiya gelekî welatparêz û dilsozê welatê xwe lê tê jiyîn, di nava malbateke ji eşîra Caf a qedîm de hate dinê. Ji ber ku malbata wî çanda Kurd bi kûrahî dijî, hevrêyê me Soran jî bi rengekî girêdayî cewherê xwe mezin bû. Bi saya zanebûna welatparêziyê ya malbata xwe, di temenê biçûkahiyê de hezkirina wî ya li hemberî welêt çêbû. Hevrêyê me ji biçûkahiya xwe û vir ve, nakokiyên wî yên li hemberî jiyanê çêdibin û bi taybetî jî wate neda ku çima ziman û çanda xwe bi tam wateya xwe najî. Hevrêyê me ji bo ku bizane çima nasname, ziman, çand û sembolên Kurdî qedexe ne, hewldan kir. Di vê pêvajoyê de hîn bû ku welatê me Kurdistan di nava 4 dewletan de hatiye parvekirin, dagirkirin û mêtingehkirin. Lewma li dijî dagirkerên ku mafê jiyanê nedaye wan, bû xwedî hêrseke mezin. Hevrêyê me li dibistanên rejîmê 12 salan xwend, di heman demê de ji bo tevkariyê li debara malbata xwe bike ji temenê biçûkahiya xwe ve dest bi xebitînê kir. Hevrêyê me hem ji ber serketina xwe ya li dibistanê hem jî bi cih anîna berpirsyariyên xwe yên li hemberî malbatê, di derdora xwe de hate hezkirin û bi kesayeta xwe ya gihiştî, her tim ji derdorê re bû mînak.

Hevrêyê me Soran ê ku ji destpêka ciwantiya xwe berpirsiyariyên civakî zêdetir hîs dike, di demeke kurt de fêm dike ku mezintirîn pirsgirêka gelê me azadî û edalet e. Her wiha hevrêyê me dizanî ku ev yek bes wê bi pêkhatina şoreşa Kurdistanê çareser bibe. Hevrêyê me yê ku girêdayî van yekan dikeve nava lêgerînan,  li gel şehadeta hevrêyê me Çalak ku di sala 2007’an a di encama pevçûneke li gel hêzên Îranê pêk tê de, Gerîlayên Azadiya Kurdistanê nas dike. Hevrêyê me yê ku dibîne gerîla bi awayekî fedayî li hemberî dagirkeran şer dikin û heya şehadetê girêdayî têkoşîna xwe ne û ji vê yekê bandor dibe, piştî vê pêvajoyê lêgerînên xwe zêdetir dike. Hevrêyê me yê ku pirtûk û analîzên Rêber Apo bi dest dixe û Partiya me ji Rêber Apo nas dike, hîn dibe ku PKK, partiya azadiya Kurdistanê û navê lêgerîna jiyana azad e. Hevrêyê me yê ku ji ber vê yekê eleqeyeke zêdetir nîşanî felsefeya Rêber Apo dide, dilsoziya xwe ji Partiya me re her roj zêdetir dike. Hevrêyê me yê ku di sala 2012’yan de cara ewil milîtanên Apoyî nas dike, piştî nîqaşên kurt ên li gel van hevrêyên me bi coş û moralake mezin beşdarî xebatan dibe. Di serî de xebatên ciwantiyê di gelek xebatan de cih digire û hewl da ku erkên xwe yên şoreşgeriyê bi cîh bîne. Hevrêyê me Soran ê ku nêzîkî du salan di xebatan de cihê xwe digire, di sala 2014’an de dema ku çeteyên DAÎŞ’ê êrîşî Şengal, Rojava û gelek qadên Başûrê Kurdistanê dike û qirkirinan pêk tîne, dikeve nava lêgerînên mezinkirina têkoşîna xwe.  Hevrêyê me yê ku ji şehadeta gerîlayê ku di pêvajoya ewil de nas dike, gelekî bandor dibe, dizanî ku hem bi standina çeka hevrêyên xwe û berdewamkirina têkoşînê û hem jî pirsîna hesaba qirkirina li dijî gelê me bes bi tevlîbûna nava refên gerîyan pêkan e. Hevrêyê me yê ku bi vê fikr û kûrbûnê di sala 2014’an de berê xwe dide çiyayên Kurdistanê, tevlî refên gerîlayan dibe û xwe digihîne jiyana azad a hesreta wê dikişîne.

Hevrêyê me Soran ê ku perwerdeyên xwe yên ewil li Herêmên Parastinê yên Medyayê dibîne, bi perwerdeyên li vir distîne di demeke kurt de hînî jiyana çiya û gerîlayan dibe. Bi saya tevlîbûna xwe ya bimoral û bicoş ji xwe re tu tiş weke astengî nedît û bû gerîlayekî azadiyê yê xwedî tecrûbe. Di nirxandinekê de diyar dike ku di jiyana gerîlayan de herî zêde ji têkiliyên hevrêtiyê û alikariya hevrêyan a ji hev re bandor bûye. Ji ber vê yekê hevrêyê me Soran jî di hemû kêliyên jiyana xwe ya şoreşgerî de girêdayî vê sekn û hişmendiyê dibe hevrê û milîtanekî serkeftî yê Apoyî. Hevrêyê me dema tevlî nava refên gerîlayan dibe, şerekî dijwar heye û dizanîbû ku divê xwe di warê leşkerî de pêş bixe û ji şerê heyî re bibe bersiv û girêdayê vê yekê gelek taktîkên gerîlayan hîn dibe. Hevrêyê me yê ku perwerdeya xwe bi awayekî serkeftî temam dike xwe di warên leşkerî û îdeolojîk de bi hêz dike, bi israr dixwaze derbasî herêmên şer lê dijwar bibe.  Hevrêyê me her çend ji bo tevlîbûna şer xwedî moral, motîvasyon, sekna îdeolojîk û leşkerî jî be Partiya me ji bo ku zêdetir tecrûbeyan bi dest bixwe hevrêyê me Soran li qadên cuda yên têkoşînê wezîfedar kir.

Hevrêyê me Soran ê ku li gelek qadên cuda ên Herêmên Parastinê yên Medyayê xebat meşand, di nava xebatan de bi kesayeta xwe ya fedekar, karker û durist derket pêş. Hevrêyê me yê ku ji ber van taybetmendiyên xwe ji aliyê hevrêyên xwe ve hat hezkirin û rêzgirtin, her tim hewl da têkoşîna xwe mezintir bike. Hevrêyê me di wê ferqê de bû ku ancax dema ku bi awayekî çalak tevlî pêvajoya şer a dijwar bibe, dikare barê hevrêyên xwe yên di çeperan de şer dikin sivik bike. Li ser vê bingehê, ji bo di dema nû ya taktîkên şerê gerîla de xwe bi pêş bixe û bibe milîtanekî profesyonel, tevlî perwerdeyên pisporiyê bû. Hevrêyê me Soran ku pêvajoya perwerdeyê bi awayekî herî baş bi kar anî, li ser gelek taktîkên gerîla hakîmiyetek pêş xist. Hevrêyê me ku di pêvajoya perwerdeyê de pêşniyar û israra xwe ya ji bo çûyîna qadên ku şer lê giran bû dewam kir, gihişt armanca xwe û çû herêma Zapê.

Hevrêyê me Soran ku li herêma Zapê tevlî gelek xebatan bû, bi taybetî di çêkirina tunelên şer de kedek bêhempa raber kir. Di heman demê de hevrêyê me yê ku derfeta pratîkkirina tiştên di pêvajoya perwerdeyê de hîn bûye bi dest xist, di gelek çalakiyên li dijî dijmin de cihê xwe girt. Bi cesaret û fedekariya xwe ya di van çalakiyan de ji hemû hevrêyên xwe re bû mînak. Hevrêyê me bû milîtanekî Apoyî ku hemû hevrêyên wî dixwestin pê re bijîn û têbikoşin. Hevrêyê me di xeta fedaîbûnê de tevlîbûn esas girt û li gorî wê tevgeriya. Hevrêyê me ket wê ferqê ku divê di felsefeya Rêber Apo de xwe kûr bike û li ser vê bingehê lêhûrbûnên girîng jiyan. Hevrêyê me Soran armanca xwe ya herî sereke misogerkirina azadiya fîzîkî ya Rêber Apo û wergirtina perwerdeyê ji Rêber Apo diyar kiribû, ji bo bicihanîna vê armancê bû xwedî têkoşîneke bêhempa.

Hevrêyê me Soran di 1'ê Tebaxa 2019'an de dema ku ji peywirê vedigeriya Qada Berxwedanê ya Girê Karker a Zapê di encama êrîşeke dijmin de şehîd bû. Hevrêyê me ji bo me li pey xwe mîrateyeke mezin a têkoşînê û erkên ku divê werin bi ser xistin hişt. Weke hevrêyên wî, em ê erk û berpirsyariyên ku hevrêyê me Soran dewrî me kiriye, bi hişmendiya ku di şexsê wî de layiqî hemû şehîdên xwe bin, bi cih bînin."