Îşkenceya derveyî mirovî ya li hember cenazeyê gerîlaya YJA STAR Kevser Elturk (Ekîn Wan) li paytexta Belçîka Brukselê ji aliyê jinan ve hat protestokirin.

Çalakiya ku ji aliyê Meclîsa Jinan a Şehîd Berîtan ve îro saet 14.00’an li Place de Luxembourg hat lidarxistin, li gel Kurdistaniyan, endamên Yekîtiya Jinên Sosyalîst û Tirkiyeyiyên demokrat amade bûn.

Di çalakiyê de belavok hatin xwendin û belavkirin. Nûnera Tevgera Jinên Kurd a Ewropa Emel Gullu di axaftina xwe de got: “Êrîşa li hember hevala Ekîn Wan hatiye kirin, êrîşa li hember jina Kurd e. Lê ti hêz nikare bîrdoziya rizgariya jinan bişkîne. Ekîn Wan rûmeta me, tazîbûna me û azadiya me ye.”

Di çalakiyê de dirûşmên, “Qatil Erdogan”, “Faşîst TC em hemû Ekîn Wan in”, “Bijî Serok Apo”, “Bijî YPG / YPJ”, “Bijî HPG”, “Jin, jiyan, azadî” hatin gotin.