Ji welatên cuda  yên cîhanê ji 50’yî zêdetir rêxistinên jinan, ku di nava wan de parlementer û senator jî hene nêzî 100 nûnerên jinan, daxwaza ronîkirina komkujiya Parîsê kirin û banga tevlibûna meşa Parîsê ya bo her sê siyasetmedarên kurd kirin.

 Ji 100’î zêdetir nûnerên jinan, piştgirî dan banga ku ji aliyê Buroya Aştiyê ya Cenî-Kurd a Jinan û daxuyaniyek hevpar dan.

Di daxuyaniya bi ser navê ‘Em ji bo Sakîne, Fîdan û Leylayê’ edeletê dixwazin’ hat gotin ku ji du mehan heta niha jin li bende edeletê ne û ev bang li Fransayê kirin:

KOMKUJIYÊ RONÎ BIKE DAWÎ LI ZEXTAN BÎNE

-Bila hemû aliyên siyasî yê komkujiyê ronî bibe, hêzên pişt kujeran aşkera bibe

-Peymana ku Fransayê bi Tirkiyeyê re kiriye ya ku kurdan krîmînalîze dike bila bê betalkirin

-bila zextên li ser kurdan yên li Fransayê bi dawî be, PKK ji lîsteya terorê bê derxistin

-Fransa bila piştgiriyê bide dîaloga di navbera Rêberê Gelê Kurd Abdullah Ocalan û dewleta tirk Û piştgiriyê bide çareseriyê

JI BO MEŞÊ BANG

Jinan bi van daxwazan ji bo meşa 9’ê Adarê ya Parîsê banga tevlibûnê li jinan kir.

Rêxistinên daxuyanî dan ji wan hinek wihane:

Yekitiya Jinên Navnetewî (IWA);

Enstîtuya Lêkolîna Civakî ya Welatên Bask  GITE-IPES Bilbao

Tevgera Jinan a Kibrisê POGO;

Partiya Jinan a Femînîst ya Alman DIE FRAUEN,

Federasyona Jinan a Demokratîk ya Navnetwî (FDIF-WIDF);

Tevgera Jinan a Fîlîpînan GABRIELA;

Tevgera Jinan a Demokratik ya Ewropayê  (ADKH);

Navenda Jinan a Navnetewî ya Roma û Komeleya Jinên Reşik

Însiyatîfa Femînîst a Swêdê (FI),

Femmes Solidaire û Solidarite & Liberte,

Însiyatîfa Femînîst a Ewropayê IFE-EFI;

Ji Lubnanê Yekitiya Çalakiya Jina a Wardah Boutros- Egalité

PARLAMENTER Û SENATORÊ SWÎSREYÎ Û BOLÎVYAYÊ JÎ HENE

Her wiha ji parlamentoya Bolîvyayê 15 parlamenterên jin, 13 senator û ji Parlamentoya Ekvador jî 12 parlamenteran piştgirî dan daxuyaniyê.

Parlamentera Parlamentoya Swêdê û endama heyeta OSCE Margareta Cederfelt

Dîrektora Yekitiya Nivîskarên li Surgunê Jennîfer Langer

Dîrektora WPD ya jinên bîh ya li Îngîlîtanê faliyteê dimeşîne Margaret Owen,

Nûnerên  Yekitiya jinan a navnetewî ya ji bo aştî û azadiyê –WILPF Patrizia Sterpetti û Martha Jean Baker jî piştgirî dan daxuyaniyê.

Meşa di 9’ê adarê li Parîsê pêk tê dê saet di 10.00’an de ji ber Navenda Enformasyon a Kurditanê (CIK) dest pê bike.