Hevşaredarê Bajarê Mezin ê Mêrdînê Ahmet Turk, ku qeyûm li şûna wî hate danîn, bi Serokê Giştî yê Partiya Gelecekê û Serokwezîrê berê Ahmet Davûtoglû re hevdîtinek kir. Di hevdîtinê de Davûtoglû dosyayek li ser fikrên xwe yên têkildarî pirsgirêka Kurd pêşkêşî Ahmet Turk kir. Piştre jî civîneke hevpar a çapemeniyê hate lidarxistin.

Ahmet Turk destpêkê axivî û diyar kir ku wan li ser paşerojeke demokratîk nêrînên xwe anîn ziman.

Ahmet Davûtoglû jî ji bo Ahmet Turk got 'Serokê Şaredariya Bajarê Mezin' û banga demokrasî û diyalogê kir. Ahmet Davûtoglû diyar kir ku berpirsyariya dîrokî ya Tirkiyeyê ku têkiliya herî xurt bi Kurdên li Sûriye û Iraqê re dîne.

Davûtoglû herî dawî sersaxî ji Ahmet Turk re xwest, ku xwişka wî doh bi şev koça dawî kir.