Li bajarên Kurdan ji aliyê Desteya Hilbijartina Bilind (YSK) ve bi giştî li 19 bajaran sindoqên ku 144 hezar kes bi kar tînin hatin vegûhestin. Yek ji van bajaran jî Amed e û li 7 navçeyên Amedê li 66 taxan sindoq ji bo herêmên polîs û cerdevanan lê ne hatin vegûhestin.

‘SINDOQAN VEDIGÛHÊZIN CIHÊ POLÎS Û CERDEVAN LÊ NE’

Hevseroka Partiya Herêmên Demokratîk (DBP) Peyasê Songul Kapanci ya ji Jin Newsê re axivî, got ev biryarek siyasî ye û wê xwedî li dengan derkevin. Songulê wiha got: “Ji bo HDP’ê di bin bendê de bihêlin serî li her rê didin. Bi taybet sindoq birine herêmên polîs û cerdevanan. Sedema vê ew gel bikin fikaran û nehêlin dengan bi kar bînin.”

‘EM Ê DENGDÊRAN BI WESAYÎTÊN XWE BIBIN SER SINDOQAN’

Kapanci di berdewamiya axaftina xwe de destnîşan kir ku di pêvajoya desthilatdariya AKP’ê ya 16 salan de zextên li ser jinan zêde bûne û di du salên dawî de şîdet li gorî salên borî ji sedî 100 zede bûye. Kapanci diyar kir ku dema gel diçe se sindoqê bila dayika Taybet û Cemîleyê ji bîr nekin. Em ê bi wesayîtên xwe dengdêran bibin ser sindoqan.

‘EM PIŞTGIRIYÊ JI WELATIYÊN WESAYÎT HENE DIXWAZIN’

Ji Meclîsa Jinan a HDP’ê Meryem SÛna jî got li dijî vegûhestina sindoqan xebatên wan hene û wiha pêde çû: “Em ê vê hewldana wan vala derxînin. Em ê destûrê nedin lîstikên AKP'ê. Çi dibe bila bibe wê gelê Amedê biçe dengên xwe bikar bînin. YSK’ê got ji bo kar û barê bikaranîna dengan hêsan bibin wisa dikin. Lê tiştek ji bîr kirine heye; gel wê nehêle dengên wan bên dizîn. Em ji welatiyên ku wesayîtên wan hene piştgiriyê dixwazin. Bila welatiyan bibin ser sindoqan.”