Qenala televîzyonê ya Elman-Fransî ARTE, dokûmantereke nû ya li ser têkoşîna şervanên jin ên li Kurdistanê diweşîne.

Dokûmanter wê bi navê "Kurdistan/Şerê Azadiyê yê Keçên Kurd" (Der Freiheitskampf der Kurdinnen/Kurdistan, La Guerre des Filles) îro êvarê were weşandin. Dokûmanter ji çavdêriyên rojnamevana Fransî Mylene Saûloy pêk tê, ku Saûloy di dawiya sala 2015'an li Rojava û Şengalê bû.

Dokûmanter wê di weşana Fransî ya ARTE de li gorî dema Ewropayê saet di 22:35, di weşana Elmanyayê de jî saet di 21:55'an de wê were weşandin.

Di metna danasîna dokûmanterê de tê destnîşankirin ku têkoşîna şervanên YPJ'ê mîrateya têkoşîna Sakîne Cansiz e, ku berî 40 salan li Bakurê Kurdistanê destpê kir.

Di dokûmanterê de hem bal tê kişandin ser têkoşîna leşkerî ya jinên li Rojava, Qendîl û Şengalê, hem jî armanca afirandina civakeke pirreng û demokratîk a ji bo guhertina dîroka baviksalarî ya Rojhilata Navîn.

Dokûmanter wê heta 15'ê Adarê ji van lînkan li ser înternetê jî bi zimanên Fransî û Elmanî karibe were temaşekirin.

http://www.arte.tv/guide/fr/063685-000-A/kurdistan-la-guerre-des-filles#

http://www.arte.tv/guide/de/063685-000-A/der-freiheitskampf-der-kurdinnen