Li bajarê Malmoyê yê Swêdê pêşangeha pirtûkên Rêberê Gelê Kurd Abdullah Ocalan hate vekirin.

Kurdistanî li qada Mollenvagstorgetê hatin ba hev û ji bo protestokirina Rêberê Gelê Kurd Abdullah Ocalan çalakiyek li dar xistin

Hevseroka NCDK’a Swêdê Nadîa Saleh di çalakiyê de diyar kir ku ev 3 roj in pirtûkxaneya pirtûkên Rêberê Gelê Kurd Abdullah Ocalan li bajarên Stockholm, Ûppsala, Orebro, Helsîngborg geriyaye û gihiştiye Malmoyê.

Hevserokê NCDK’a Swêdê Ridvan Altûn jî diyar kir ku Rêberê Gelê Kurd Abdullah Ocalan mîmarê paradîgmaya konfederalîzma demokratîk e û gelê Kurd ji bo danasîna berhemên Abdullah Ocalan vê pirtûkxaneya gerok ava kirine.

Altûn diyar kir ku wê pirtûkxaneya biçe gelek bajarên Swêdê û bang li gelê Kurd û dostên wan kir ku di 7’ê Sibatê saet di 13.00’an de li Qada Gostaf Adolf a Goteborgê biçin pêşiya pirtûkxaneyê û tevlî çalakiyên ji bo şermezarkirina komployê bibin.