Înîsiyatîfa Azadî ji Abdullah Ocalan re ji bo azadiya fîzîkî ya Rêberê Gelê Kurd Abdullah Ocalan û rakirina tecrîda girankirî ya li ser wî di 25’ê Hezîrana 2012’an de li Strasboûrgê Nobeta Edaletê dabû destpêkirin. Nobeta Azadiyê didome.

Taşdemîr Anli, Îsmaîl Coşkun Kîncal û Civan Akpolat ên ji Parîsê hatin, di hefteya 570’emîn de nobet dewr stendin.

 Koma diyar kir ku ev 2 sal in tu agahî ji Rêberê Gelê Kurd nayên  stendin û destnîşan kirin ku ew ê ji bo azadiya Abdullah Ocalan her tim li vir bin.

Komê bal kişand ser êrîşên li dijî Mexmûr û Şengalê jî, diyar kir ku armanca van êrîşan tinekirina hemû destkeftiyên Kurdan e û got, “Lê em ê stûyê xwe xwar nekin. Heta ku em hebin em ê têkoşîna xwe bidomînin û heta Rêbertiya me azad bibe, wê têkoşîna me bidome.”