Newroz li Lînzê bi coş hate pîrozkirin
Li herêma Lînzê ya Awûstûryayê Kurdan tevî dostên xwe Newroz pîroz kirin.
Li herêma Lînzê ya Awûstûryayê Kurdan tevî dostên xwe Newroz pîroz kirin.
Pîrozbahî roja Şemiyê pêk hat û bi deqeyeke rêzgirtinê ji bo bîranîna şehîdan destpê kir.
Di pîrozbahiyê de Kurd û dostên xwe li hev kom bûn. Siyasetmedarê Kurd Hatîp Dîcle li pîrozbahiyê qala wateya dîrokî û rojane ya Newrozê ji bo Kurdan kir.
Dîcle her wiha bal kişand ser hilbijartinên giştî û serokkomariyê yên li Tirkiyeyê û destnîşan kir ku hêrzên demokrasî û azadiyê ji bo hilweşandina vê sîstema faşîst wê bi hemû hêza xwe bixebitin.
Dîcle got, "Dengekî jî dengek e, carna dengek çarenûsê diguherîne" û işaret bi girîngiya vê hilbijartinê kir.
Şehrîbana Kurdî, Serhado, Rizgar Akan û Koma Den derketin ser dikê û hunera xwe pêşkêş kirin. Hunermend Hozan Comert jî ji ber pirsgirêkên xwe yên tenduristiyê nekarî tevlî pîrozbahiyê bibe.