Li bajarê Minîh a Elmanyayê bi boneya Roja Piştevaniya bi Girtiyên Siyasî çalakiyek hat lidarxistin. Çalakiya ku ji aliyê Rote Hîlfe ve hatibû organîzekirin li ber girtîgeha ku çalavanê siyasî yên Kurd Mustafa Tûsak lê girtiye hat lidarxistin.
Di çalakiyê de doza girtinê ya li ser HDP’ê hatî vekirin û betalkirina mafê wekîltiyê yê Wekîlê HDP’ê yê Kocaelî Omer Farûk Gergerlîoglu hat şermezarkirin.
Her wiha di çalakiyê de di şexsê Mustafa Tûsak ê ku di meha Çile piştî hatibû destgîrkirin hatibû girtin de ji hemû girtiyên siyasî re azadî hat xwestin û ev bang hat kirin: “Faşîzm li her derê ye û li hemberî êrîşên topyekun divê şoreşger li her qada ku lê dimînin têkoşîna xwe hevbeş bike û têbikoşe.”
Piştî axaftinên bi zimanî Elmanî û Kurdî çalakî bi qêrîna dirûşmeyan bi dawî bû.
