Li bajarê Marsîlya yê Fransayê pîrozbahiya herî dawî ya pênc rojên Newrozê ji aliyê şaredariya Marsîlyayê ve hate birêxistinkirin û piştî konsera Elenora pêk hat. Roja dawî ya pîrozbahiyê ji aliyê Meclîsa Jinê ya Arîn Mîrkan, TEV-ÇAND û Tevgera Ciwanên Şoreşger (TCŞ) be hate birêxistinkirin.

Girseya gel li qada Parc du Palaîs Longchampê li hev civiyan û ji bo silavkirina mizgîniya Newrozê heta qada Cannabîerreyê meşiya.

Di meşê de pankartên bi nivîsa "SÎHA ket", "Agir girte erşê Romê" û "Em mizgîniyê silav dikin" hatin hildan.

Li qada pîrozbahiya Newrozê bi navê amadekaran axaftin hate kirin, gel hate silavkirin û Newroz hate pîrozkirin.

Piştre hunermend Dîlber Kobanê, Hezin Maşo, Mahsûn Sever, Evîndar Dost û Hozan Farûk hunera xwe pêşkêş kirin. Girseya gel li ber stranên hunermendan govend gerand.