Li Hannoverê 'Mihrîcana folklora Kurdî'
Li bajarê Hannoverê yê Elmanyayê 32’emîn Mihrîcana Pêşbirka Folklora Kurdî, bi coşeke mezin hate pêşwazîkirin.
Li bajarê Hannoverê yê Elmanyayê 32’emîn Mihrîcana Pêşbirka Folklora Kurdî, bi coşeke mezin hate pêşwazîkirin.
Mihrîcana ku wê di 8-9’ê Hezîranê de pêk bê, ligel Elmanyayê, wê ji Fransa û Swîsreyê 26 komên folklorê tevlî bibin. Şahiyê bi meşa bi cil û bergên Kurdî, bi kevneşopiyên Kurdî dest pê kir. Seranserê bajêr bi rengên Kurdî hat xemilandin û geş bû.
Komên folklorê piştî meşê, derbasî Navenda Çanda Pavîlîon bûn û li vê derê rêza koman hat bijartin. Roja yekemîn, wê koma Koma Cangorî û Koma Mam Zekî ya Zarokan û komên muzîkê Seyma Serhat û Dîlana Roj Arya derkevin ser dikê, hunerên xwe pêşkêş bikin.
Şahiya bi rêzgirtina ji bo şehîdên şoreşê destpê kirî, li ser navê TEV-ÇAND’ê Bulent Tûran û Xezal Aktaş axivîn û bal kişandin ser dewlemendiya çand û folklora Kurdî.
Piştî wê, kom derketin pêşberî juriyê û 10 saetan performansa xwe pêşkêş kirin. Koma xortan Dîlana Roj Arya a ji Parîsê tevlî bûyî bi lîstikên herêma Amedê bû yekem û koma jinan Dîlana Roj Arya jî bû duyemîn. Koma ji bajarê Salzgiter ê Elmanyayê beşdarî pêşbirkê bûyî jî bû sêyemîn.
Di Mihrîcanê de kedkarên çapemeniyê jî ji ber keda wan a du rojan hatin xelatkirin û plaket dan ANF, Yenî Ozgur Polîtîka, Çira TV, Stêrk TV, Jin TV’yê jî.
Şahî bi derketina ser dikê ya hunermendan, piştî du rojan bi dawî bû.