26’emîn salvegera komploya navneteweyî ku li dijî Rêber Apo hate kirin, li navçeya Yêrşov a herêma Saratovê ya Rûsyayê hate şermezarkirin.

Daxuyanî li Mala Kurd ya navçeya Yêrşovê ji aliyê berpirsyarên Otonomiyên Kurdên Saratovê Mîrze-Elî Yûsubov, Tahir Fatoyêv û Îsmaîl Yûsubov ve hate dayîn.

Axaftvanan hêzên komploger şermezar kirin û gotin: "Hêzên kompologer bi armanca ku gelê Kurd ji holê rakin û hemû hêviyên Kurdan ên azadiyê bişkîne, komplo pêk anîn. Li hemberî wê jî Rêber Apo bi berxwedan û têkoşîna bêhempa armanc û hedefa komplogeran têk bir."

Her wiha bal kişandin ser berxwedana Rojavayê Kurdistanê ya li dijî êrîşên dewleta Tirk a dagirker û çeteyên wê û gotin: "Berxwedana ku li Bendava Tişrînê tê meşandin berxwedaneke girîng e, em bi bi gelê xwe yê Rojava re ne. Serketin a wan e."

Daxuyanî bi berzkirina dirûşmên "Bê Serok jiyan nabe" û “ Bijî Berxwedana Rojava” bi dawî bû.