Rêxistina Parastina Sivîl a Xezeyê ragihand ku roja Pêncşemê di êrîşên Îsraîlê de yên li ser xaka Fîlîstînê herî kêm 25 kes mirin. Hate ragihandin ku dibistanek ku mirovên koçberbûyî lê bûn, bû hedefa êrîşê.
Rayedarê Parastina Sivîl Mûhammed al Muhayir ji AFP'ê re axivî û got, "Di êrîşa hewayî ya Îsraîlê de ya li ser dibisana Mûstafa Hafiz a li taxa El Rîmalê, piraniya wan jin û zarok 12 kes şehîd bûn, gelek kes jî birîndar bûn."
Muhayir diyar kir ku li nêzî navendeke belavkirina alîkariyê gule li Fîlîlstîniyan hate reşandin û di encamê de 6 kes mirin, gelek kes jî birîndar bûn.
Rayedar her wiha ragihand ku li herêma peravî ya El Mawassî, di êrîşa li ser konên koçberan de 3 kes mirin.
