Kurdistaniyên li paytexta Yewnanistan Atînayê dijîn ji bo piştevaniya bi mexdûrên erdhejê re dest bi kampanyayê kirin. Di çarçoveya kampanyayê de Kurdan li gelek kolan û cihê metroyê belavokên agahdarkirinê hatin belavkirin.

Ciwanan der barê kampanyayê de daxuyanî dan û gotin: “Di encama erdhejê de bi hezaran mirovan jiyana xwe ji dest da û bi hezaran mirov jî di bin kavilan de ne. Em weke Kurdistaniyên li Atînayê dijîn, ji malbatên xizmên xwe di vê erdhejê de winda kirine re sersaxiyê û ji birîndaran re jî şîfayê dixwazin. Ne erdhej, lê desthilat mirovan dikuje. Em her kesê vedixwînin piştevaniyê. Werin em piştevaniya xwe bi Heyva Sor a Kurdistanê re bikin.“