Çalakiya rûniştinê ya Kurdistaniyên li Cenevreyê ji bo azadiya Rêber Apo di 25’ê Çileya 2021’an de li ber Nûnertiya NY’ê dabûn destpêkirin, dewam dike. Di çalakiya vê heftiyê de şehîdên Parisê hatin bibîranîn.
Çalakiya rûniştinê ya Kurdistaniyên li bajarê Cenevre yê Swîsreyê ji bo azadiya Rêber Apo ku di 25'ê Çileya 2021’an de li ber Nûnertiya Neteweyên Yekbûyî (NY) dabûn destpêkirin, dewam dike. Di çalakiya vê heftiyê de şehîdên Parisê hatin bibîranîn û banga tevlîbûna meşa navendî ya 11’ê Çileyê ku wê li Parisê bê lidarxistin hat kirin.
Çalakî di şexsê yek ji damezrînera PKK'ê Sakîne Cansiz (Sara), Nûnera Kongreya Neteweyî ya Kurdistanê (KNK) ya Parisê Fîdan Dogan (Rojbîn) û Endama Tevgera Ciwanên Kurd Leyla Şaylemez (Ronahî) ên 9’ê Çileya 2013’an de, Endama Konseya Rêveber a KCK’ê Evîn Goyî, hunermend Mîr Perwer û Abdurrahman Kizil ên ku 23’ê Kanûna 2022’an li paytexta Fransa Parsê hatin qetilkirin deqeyek rêz hate girtin.
Berdevka Yekîtiya Jinên Kurd a Swîsreyê (YJK-S) Selma Surer axivî û salvegera çaremin a çalakiyê silav kir. Surer anî ziman ku dîroka dewleta Tirk bi qetlîaman tijî ye û got, bi van qetlîaman paradigmaya azadiya jinê hedef hat girtin. Surer, banga ronîkirina qetlîamên Parisê kir û got: “Heta ev qetlîam neyên ronî kirin, dewleta Fransa hevkarê vê qetlîamê ye. Ewilî weke jinên Kurd, Kurdistanî û dostên wan cihê xwe di çalakiya navendî ya Parisê de bigrin. Em bang her kesê dikin ku di 11’ê Çileyê de biherikin Parisê û hesab ji kujeran bipirsin.”
Piştî axaftina Suren, li ser navê YJK-S’yê Serhildan Agi daxuyaniya bi Fransaî xwend.
Daxuyanî bi çalakiya rûniştinê heta saet 17.00’an berdewam kir.
NAVENDÊN BIRÊKETINÊ YA JI BO MEŞA PARISÊ
Konseya Demokratîk a Kurd a Swîsreyê (CDK-S) û YJK-S’ê navend û cihên birêketina ji bo meşa Parisê eşkere kir:
Basel
Elsässerstrasse 215, 4046 Basel
Saet: 23.00
Lozan
Rue de la Borde 12, 1018 Lausanne
Saet: 23.30
Biel
General-Dufour-Strasse 6, 2502 Biel
Saet: 22.00
Bern
Europaplatz 3008 Bern
Saet: 21.00
Zug
Riedstrasse 19 Cham
Saet: 22.30
Luzern
Mythenstrasse 7, 6000 Luzern
Saet: 23.00
Bellinzona
Tren istasyonu önü
Saet: 21.00
Altdorf
Bahnhof
Saet: 22.00
Lenzburg
Sagëstrasse 44, 5600 Lenzburg
Saet: 22.00
Zurih
Steinwiesensrasse 1, 8952 Schlieren
Saet: 23.00
St Gallen
Poststrasse 10, 9200 Gossau
Saet: 22.30
Solothurn
Westbahnhof
Saet: 22.00
