Ji bo bîranîna yek ji fermandarên YJA Starê Nesrîn Amed ku di Mijdara 2024’an de li Herêmên Parastinê yên Medyayê şehîd bû, li bajarê Antwerpen ê Belçikayê çalakiya bîranînê hat lidarxistin. Malbata Nesrîn Amed, Kurdistanî û dostên wan beşdarî bîranînê bûn.

Bîranîn bi deqîqeyek rêzgirtinê destpê kir. Piştî rêzgirtinê, li ser nave tevgera jinên Kurd axaftin hate kirin û soza dilsoziya bi mîrateya şehîdan re hate dayîn.

Di axaftinê de banga tevlîbûna xurt li pêngava guhertin û veguhertinê hate kirin ku Rêber Apo da destpêkirin û peyamên mezinkirina têkoşînê hate dayîn.

Li ser navê malbatên şehîdan a Belçikayê Sultan Ogras axivî û diyar kir ku dive xwedî li bîranîna şehîdan were derketin.

Çalakiya bîranînê piştî nîşandana sînevîzyona li ser têkoşîna Nesrîn Amed bi dawî bû.