Li Hîmalayayê aşît bi ser çiyageran hat: 4 kesan jiyana xwe ji dest dan
Li Çiyayên Hîmalayayê yê Hindistanê aşît bi ser çiyageran hat. 4 çiyageran jiyana xwe ji dest dan û gelek çiyager di qelîşteka cemedê de asê mane.
Dema ku 34 çiyagerên xwendekar û 7 perwerdekar ji lûtkeyê dadiketin jêr, aşît bi ser wan hat.
Heşt kes hatin rizgarkirin û yên din jî di nav qelîştekeke cemedê de asê man. Ji ber rewşa hewayî xebatên rizgarkirinê baş bi cih nehatin.
Xebatkarê rizgarkirinê Rîdhîm Aggarwal got “33 kes asê mabûn û hate teyîdkirin ku çar kesan jiyana xwe ji dest dane. Heşt kes hatin rizgarkirin û yên din jî di qelîştekê de asê mane.”
