Dîroka dawîn weke 6’ê Tîrmehê hatibû diyarkirin. IOM’ê rojekê beriya vê dîrokê daxuyaniyek da û ragihand ku ji destpêka meha Hezîranê ve ye nêzîkî 45,000 Efxanî ji Îranê derketine û berê xwe dane welatê xwe. 

Berdevkekî saziyê ji AFP’ê re axivî û got: ‘’Di navbera 1’ê Hezîran û 5’ê Tîrmehê de 449,218 Efxanî ji Îranê derketine û vegeriyane welatê xwe.’’

Hate eşkerekirin ku di tevahiya sala 2025’an de 906 hezar û 326 Efxanî ji Îranê derbasî welatê xwe bûne.

Neteweyên Yekbûyî (NY) di daxuyaniyeke xwe ya roja Yekşemê de ragihandibû ku li deriyên sînor ên Efxanistanê krîzeke mirovî rû daye û li herêmê  tedbîrên ‘’rewşa lezgîn’’ standine.

Penaberên Efxanî radigihînin ku ji ber zext, binçavkirin û dersînorkirinên Îranê ew Îranê diterikînin.

Hêjayî bibîrxistinê ye ku rêveberiya Îranê jî li gel biryara xwe ya di dawiya meha Gulanê de ji bo dersînorkirina Efxanên ‘’bêbelge’’ 6 Tîrmehê weke dîroka dawîn diyar kiribû.

NY, rêxistinên penaberan û rayedarên Talîbanê jî dibêjin ku divê civaka navneteweyî alikariya lezgîn bide Efxanistanê. Jixwe li Efxanistanê xizanî, ziwabûn û krîzên aboriyê zêde bûn ku ev vegera komî rewşa welêt xirabtir kiriye.