Li gorî çapemeniya Îranê, roja Duşemê danê sibê balafireke kargo li nêzî Tehranê ketiye xwarê.

Berdevkê Saziya Asîmanî ya Îranê Reza Caferzadeh,  ji IRIB’ê re axivî û got, “Balafira modela Boeing 707 a kargo dema peyabûnê ketiye xwarê.

Li gorî Ajansa Nûçeyan a Îranê, ji balafira ketî xwarê tenê makînîstek xilas bûye. Ajansa Tasnim, ragihand ku ev balafira kargo ya leşkerî ji paytexta Kirgizistan Bişkekê dihat û tijî goşt bû.

IRIB, ragihand ku balafir ji pîstê bihuriye û li avahiyekê qelibiye.