Endamê Komîteya Rêveber a Tevgera Şoreşger a Yekbûyî ya Gelan (HBDH) Tekîn Yoldaş li malpera înternetê ya tevgerê daxuyaniyek bi dîmen da û got, "Bi navê HBDH'ê em dest bi kampanya 'Em ê faşîzmê hilweşînin, azadiyê misoger bikin' dikin."

Yoldaş diyar kir ku bi rêya vê kampanyayê dixwazin azadiyê ji çîna karkeran, kedkar û bindestan a Tirkiyeyê re bînin û got, "Desthilatdariya faşîst her roj zilmê li gelên Tirkiyeyê, karker, kedkar, ciwanan, jinan û gelê Kurd dike, paşeroja wan ji destê wan digire. Li dijî vê yekê, ji bilî têkoşînê û hildana ala şoreşa yekbûyî rêyeke din a rizgariyê ji bo me nîne. li her devera ku em lê ne; li qadên gerîla, li bajaran, li nava tax û kolanan em ê daxwaza xwe ya azadiyê bi rengê herî xurt biqîrin, ala şoreşa yekbûyî bilind bikin. Têkoşîna şoreşê ya yekbûyî tenê bi hêzên ku wê bi rê ve bibin, bi rastî jî xwedî lê derkeve, bi hêzên şoreşa yekbûyî wê bi ser bikeve.

BANGA TEVLÎBÛNÊ LI TEVAHIYA CIVAKÊ KIR

Banga me li kedkar, bindest, jin û ciwanên Tirkiyeyî ew e ku tevlî vê têkoşînê bibin, li her devera ku lê ne bi hemû derfetên xwe tevlî vê kampanya me ya seferberiyê ya li dijî faşîzmê bibin.

Desthilatdariya faşîst bi qasî ku tê dîtin xurt nîne. Ya ku wê xurt dike ew e ku karker, kedkar û bindestên Tirkiyeyî bi têrkerî xwedî li têkoşînê dernakevin, ala azadiyê ya li dijî faşîzmê bi têrkerî û xurt bilind nakin. Ji ber vê yekê em dixwazin ku li dijî faşîzmê têkoşîna şoreşê ya yekbûyî xurt bikin, hîn bi xurtî xwedî li çekên xwe derkevin û alê hîn bi xurtî bilind bikin.

Em ê li her devera ku lê ne têkoşînê mezin bikin, li çiyê gerîlayên berxwedêr, li bajaran milîsên me yên ku agirê azadiyê dadidin, li febrîqe û kolanan gelê me yê berxwedêr wê bibin hêza ku vê têkoşînê dimeşînin. Em dixwazin kampanyaya xwe bi rengê herî xurt mezin bikin, bi rêxistin bikin.

Li her qada ku em lê ne, em dest bi pêngava yekîtiya şoreşgerî dikin. Ev yek jî li me ferz dike ku bi gavekê, du gavan, pênc gavan bi pêş ve biçin. Em dixwazin hîn bi xurtî xwedî li têkoşînê derkevin, enerjîk bibin û têkoşîna azadiyê bi ser bixînin.

DESTHILATDARIYA KU DI NAVA KRÎZÊ DE YE, WÊ JI ALIYÊ HÊZÊN ŞOREŞGER ÊN YEKBÛYÎ VE BÊ TÊKBIRIN

Desthilatdariya faşîst di nava krîzeke giran a aboriyê de ye, diheje, lê belê em di wê baweriyê de ne ku hêza vê desthilatdariyê têk bibe, hêzên şoreşger ên yekbûyî ne.

Heta ku hêzên şoreşger ên yekbûyî tênekoşin, danekevin qadan, bi çalakiyên şoreşgerî hesab ji faşîzmê nepirsin û li hedefên faşîst nexin, wê faşîzm hilneweşe.

Em dibêjin; li Tirkiye, 4 parçeyên Kurdistanê û li her qada li Ewropayê ku em lê ne, em ê faşîzmê hilweşînin û azadiyê misoger bikin. Ev yek jî tenê bi têkoşînê dibe.

'EM Ê FAŞÎZMÊ HILWEŞÎNIN, AZADIYÊ MISOGER BIKIN'

Di têkoşîna şoreşger a yekbûyî de ya li dijî faşîzmê, her kes dikare tiştekî bike. Hêzên gerîla li çiyê li ber xwe didin, milîs li bajaran li ber xwe didin û agirê azadiyê geş dikin, li kolanan bend tên danîn û ala azadiyê bi xurtî tê bilindkirin.

Têkoşîna şoreşger a yekbûyî wê bi beşdariya çîna karker, kedkar û bindestan xurtir bibe, her kes dikare tevlî bibe. Li dijî dijminê gel; nivîs dikare li ser dîwaran bê nivîsandin, faşîstek dikare bibe hedef. Eger nikaribe bike dikare agahiyê bide şoreşgeran. Her kes di çarçoveya vê kampanyayê de dikare tevlî têkoşînê bibe. Karker, kedkar, jin, ciwan dikarin bibin parçeyek ji vê têkoşînê. Li ser vê bingehê ji bo yekkirina derfetên xwe, ji bo xurtkirina têkoşîna şoreşger a yekbûyî em dest bi seferberiyeke topyekûn dikin. Li dijî êrişa topyekûn a faşîzmê em jî dest bi berxwedaneke topyekûn dikin.

Armanca vê seferberiya şoreşgerî ew e ku derfetan hemûyan bike yek û li dijî faşîzmê bi rengê herî xurt têkoşîn bê meşandin. Armanc ew e ku jiyan li faşîzmê bê herimandin. Hemû navend û kelehên faşîzmê wê bibin hedef.

Hêzên me yên gerîla, milîsên me û ciwanên şoreşger ên li kolanan têdikoşin, divê hîn bi xurtî û biryardarî li faşîzmê bixin.

Em neçar in ku li hemû saziyên ku faşîzmê xurt dike û rewa dike, bixin.

Em ê rêxistinbûn û saziyên desthilatdariya faşîst hemûyan bikin hedef."

Di dawiya daxuyaniyê de jî wiha hate gotin, "Her ku têkoşîna şoreşger a yekbûyî bê xurtkirin, em ê bi hêztir bibin, faşîzm wê lawaztir bibe. Her ku em xurt bûn, her ku bûn yek, em ê bi ser bikevin û faşîzm wê hilweşe.

Em neçar in ku dirûşma 'Em ê faşîzmê hilweşînin, serketinê misoger bikin' hîn bi xurtî biqîrîn."