Desteya Giştî ya NY biryara îlhakê ya Rûsyayê şermezar kir
Piştî ku Rûsyayê diyar kiribû wê herêmên Herson, Zaporijya, Donetsk û Lûhansk îlhak kiriye, Desteya Giştî ya Neteweyên Yekbûyî vê biryara Rûsyayê şermezar kir.
Di Desteya Giştî ya Neteweyên Yekbûyî de 193 welat hene û 143 welatan ji bo şermezarkirina biryara îlhakkirinê dengê erê dan.
Rûsya, Koreya Bakur, Nîkaragûa, Belarûs û Sûriyeyê jî dengê na dan.
33 welatên ku Çîn û Hindistan jî di nav de hene, deng nedan.
Bi awayekî sembolîk be jî heta niha di biryarên derbarê polîtîkayên Rûsyayê de, herî zêde di vê de deng hatiye dayîn.
