Navenda Ragihandinê li ser malpera xwe ya înternetê daxuyaniyek weşand û diyar kir, li bejahiya Dêra Zorê di Pêngava Bagera Cizîrê de roja 28'ê Sibata 2018'an 3 şervanên wan di şerê dijî çeteyên DAÎŞ'ê de şehîd bûne.

Navendê diyar kir ku her sê hevrêyên wan Goran, Welîd û Zagros ji bajarê Şedadê ne û bi eslê xwe Ereb in, bi destpêkirina Pêngava Bagera Cizîrê re tevlî nava refên YPG'ê bûn û bi têkoşîna xwe bûn semboal yekîtiya gelan.

YPG’ê têkildarî şehadeta şervanê xwe Zana yê ji Bakurê Kurdistanê jî ev agahî da; "Hevrêyê me Zana ji bajarê Wanê yê Bakurê Kurdistanê ye û di nava malbateke welatparêz de mezin bûye... Dema ku çeteyên Cebhet El Nusra bi alîkariya dewleta Tirk a dagirker sala 2013'an êrîşî xaka Rojava kirin, li ser esasê welatparêziyê berê xwe da qada berxwedanê ya şoreşa mirovahiyê ya Rojava. Hevrê Zana ji bo parastina nirxên şoreşê bi ked û fedekariya xwe li hember dijminên mirovahiyê şer kir û tevlî karwanên nemiran bû."

YPG'ê di dawiya daxuyaniyê de sersaxî ji malbatên şehîdan û gelê Kurd re xwest û soz da ku têkoşîna wan a li dijî dagirkeriyê wê heta serketinê bidome.

Li gorî daxuyaniyê nasnameya şehîdan wiha ye:

Nasnav: Goran Şedadê

Nav û Paşnav: Leys El Îsa

Navê Dayikê: Fatma

Navê Bav: Ehmed

Cihê Jidayikbûnê: Şedadê

Cih û Dema Şehadetê: Dêra Zor / 28’ê Sibata 2018’an

***

Nasnav: Welîd Şedadê

Nav û Paşnav: Mihemed El Îsa

Navê Dayikê: Cahra

Navê Bav: Hemîd

Cihê Jidayikbûnê: Şedadê

Cih û Dema Şehadetê: Dêra Zor / 28’ê Sibata 2018’an

***

Nasnav: Zagros Şedadê

Nav û Paşnav: Hisên El Rîme

Navê Dayikê: Henûf

Navê Bav: Mexlef

Cihê Jidayikbûnê: Şedadê

Cih û Dema Şehadetê: Dêra Zor / 28’ê Sibata 2018’an

***

Nasnav: Zana Wan

Nav û Paşnav: Zafer Agcakaya

Navê Dayikê: Narinc

Navê Bav: Hudeyda

Cihê Jidayikbûnê: Wan

Cih û Dema Şehadetê: Tirbesipiyê / 19’ê Cotmeha 2013’an