YPG’ê nasnameya 2 şehîdan eşkere kir
Navenda Ragihandinê ya YPG’ê nasnameya 2 şervanên xwe yên ku li Dêra Zorê şehîd bûbûn, eşkere kir.
Navenda Ragihandinê ya YPG’ê nasnameya 2 şervanên xwe yên ku li Dêra Zorê şehîd bûbûn, eşkere kir.
Navenda Ragihandinê ya Yekîneyên Parastina Gel (YPG) bi daxuyaniyeke nivîskî nasnameya 2 şervanên xwe yên ku di Pêngava Bagera Cizîrê ya li Dêra Zorê şehîd bûbûn, eşkere kir.
Daxuyaniya YPG’ê wiha ye;
“Di çarçoveya Pêngava Bagera Cizîrê de, di dîroka 2’ê Sibata 2018’an de li Dêre Zorê hêzên me li ser çeteyên DAIŞ’ê operasyon lidarxistibûn. Di encama van operasyonan de 2 rêhevalên me bi lehengî şerkirin û şehîd bûn.
Rêhevalên me Kamuran û Cabir ji herêma Til Hemîsê gundê Xezayê ne. Her du rêhevalên me ku xizmên hev in. Hevaltiya wan ku ji zaroktiyê destpê kir, piştî tevlîbûna nav refên YPG’ê berdewam kirine û heman rojê şehîd bûne jî ev hevaltiya xwe bi bêmirinê re tacîdar kirine. Ji bo rizgarkirina herêmê û avakirina pira di navbera gelan de bi rêhevalên xwe yê Kurd û enternasyonalîstan re li dijî çeteyên DAIŞ’ê şer kirine û tevlî karwanên nemiran bûne.
Em weke YPG û YPJ di kesayeta rêheval Kamuran û Cabir de tevahî şehîdên me yên qehreman bi rêzdarî bibîr tînin. Em dibêjin serê her du malbatê şehîdên me û gelên me sax be. Em soz didin ku tekoşîna şehîdan ji xwe re esas bigrin da ku heya teror û dagirkerî li ser vê axê nemîne û serkeftinê bidest bixin, têbikoşin.
Li gorî daxuyaniyê nasnameyên şehîdan wiha ye:
Nasnav: Kamûran Xeza
Nav û Paşnav: Semî El Raxîs
Navê Dayikê: Menîfe
Navê Bav: Silêman
Cihê Jidayikbûnê: Til Hemîs
Cih û Dema Şehadetê: Dêra Zor / 2’ê Sibata 2018’an
***
Nav û Paşnav: Cabir El Raxîs
Navê Dayikê: Xezna
Navê Bav: Ebid
Cihê Jidayikbûnê: Til Hemîs
Cih û Dema Şehadetê: Dêra Zor / 2’ê Sibata 2018’an