Bi sedan kes ji şêniyên herêma Firatê sersaxî da malbata şehîd Sara Ebdî (Canda Cûdî).

Konê sersaxiyê li Taxa Şehîd Botan a Kobanê hate vedan û di bin konê sersaxiyê de wêneyên şehîd Canda hatin daliqandin.

Di merasîma sersaxiyê de hevserokê Meclisa Malbatên Şehîdan a Herêma Firatê Adil Hecî axivî û got: "Şehîd îradeya azad, gelê azad û civaka azad ji me dixwazin. Şehîd ji bo me hezkirin û rastiya rûmetê bi pêş dixin. Dema ku mirov ji bo gelê xwe û welatê xwe tê dikoşe û azadiyê ji bo gelê xwe pêk tîne, ew tiştê rast û durist e. Em ê her tim li pey xeta şehîdên xwe bin."

Merasîma sersaxiyê bi dirûşmên "Şehîd namirin" bi dawî bû.