Berpirsê Têkiliyên Giştî yê Hêzên Sûriyeya Demokratîk (QSD) Rêdûr Xelîl diyar kir ku ew texmîn dikin ku dewleta Tirk di êrîşên Ii ser Efrînê de çekên qedexekirî bi kar aniye. Xelîl tekez kir ku pispor vê bûyerê lêkolîn dikine da ku were îspatkirin.
Berpirsê Têkîliyên Giştî yê Hêzên Sûriyê Demokratîk (QSD) Rêdûr Xelîl pirsên ANHA’yê bersivand û diyar kir ku dewleta Tirk di êrîşa li ser Efrînê de çekên ku di qada navneteweyî qedexe ne bi kar aniye. Xelîl diyar kir ku Tirkiyeyê çekên mîna napalm û bombeyên mîsketê bi kar aniye.
Xelîl di berdewamiya axaftina xwe de got ʺPispor niha bûyera bikaranîna çekên qedexekirî lêkolîn û belge dikin û paşê em ê encamên wê bi raya giştî re par ve bikin.ʺ
Rêdûr Xelîl egera bikaranîna van çekan wiha rave kir ʺDewleta Tirk bi armanca tirsandin welatiyan û pêşeketina di eniyên leşkerî de, çekên qedexekirî bi kar anî. Lê şervanên me li hemberî êrîşan berxwedaneke bê hempa nîşan da û berxwedanî dewam dike.ʺ
