Şandeyeke ji Tacikistanê bi serkêşiya balyozê Tacikistanê yê li Kuweytê Zabidullah Zabidov serdana Daîreya Têkiliyên Derve ya Rêveberiya Xweser a Bakur û Rojhilatê Sûriyeyê kir.

Cîgirê Hevserokatiya Daîreya Têkiliyên Derve ya Rêveberiya Xweser a Bakur û Rojhilatê Sûriyeyê Fener El-Giêt û endamê Desteya Rêveberiya Daîreya Têkiliyên Derve ya Bakur û Rojhilatê Sûriyeyê Xalid Îbrahîm pêşwaziya şandeyê kir.

Li gorî daxuyaniya Wezareta Têkiliyên Derve, 42 jin û 104 zarokên ku li kampên Roj û Holê diman, radestî Tacîkistanê hate kirin. Ev kesên hatine teslîmgirtin hemwelatiyên Tacîkistanê ne.

Di civîna çapemeniyê ya hevpar de Fener El-Giêt got, “Ev ne civîna yekem e. Me li ser rewşa giştî ya Sûriyeyê, metirsiyên li ser herêmên Bakur û Rojhilatê Sûriyeyê û metirsiyên li ser herêmên me axivîn. Di encama hevdîtinan de şandeyê li ser vegerandina jin û zarokên DAIŞ’î bo welatên xwe li hev kir.”

Balyozê Tacîkistanê yê Kuweytê Zabidullah Zabidov jî got: "Balyozxaneya Komara Tacîkistanê ya li dewleta Kuweytê wê her tim jin û zarokên DAIŞ`ê yên biyanî vegerîne welatên wan."