Hêzên Sûriyeya Demokratîk (QSD) bi daxuyaniyekê ragihand ku di oparasyonên hêzên wan ên taybet li dijî şaneyên veşartî yên DAÎŞ’ê de 25 çete girtin.

QSD’ê ev agahî da: “Di dem û dîrokên cuda de ji aliyê hêzên me yên Ewlekarî ve di operasyonên li dijî DAÎŞ û şaneyên wê yên veşartî hatin pêkanîn de, bi tevahî 25 çete hatin girtin.

Di operasyona ku ji aliyê hêzên me yên Ewlekarî ve hatî pêkanîn de endam û serçeteyê DAÎŞ’ê yê bi navê Erkan Hisên (Mihemed Salih el-Elî) ku bi erka berpirsiya dîlên koma çete ve radibû hate girtin.

Di navbera rojên 15-22’ê Mijdara 2019’an de operasyonek taybet li dijî  şaneyên veşartî û endamên DAÎŞ’ê  yên li herêma Dêra Zorê hat encamdan. Di encamê de 21 çete hatin girtin. 2 çeteyên ku xwastin êrîş bikin jî hatin kuştin.

Serçeteyek ku xwe di kampa Holê de vedişart û ji teqînên li Hesekê berpirs bû hate girtin.

Di roja 28’ê Cotmehê 2019’ an de ji alî Yekineyên Antî Teror (YAT) ve operasyonek hat encamdayîn. 2 çeteyên berpirs ên ji êrîşa teqîna ku beriya niha li ser zindana Hesekê hatibû kirin, hatin girtin.