QSD'ê li sê herêman li dijî çeteyan operasyon kir
Hêzên Sûriyeya Demokratîk (QSD) li gelek herêman li dijî çeteyên DAÎŞ'ê operasyon kir. Hate ragihandin ku 3 çete hatine girtin.
Navenda Ragihandinê ya Hêzên Sûriyeya Demokratîk (QSD) bi daxuyaniyekê ragihand ku li herêmên cuda yên Bakur û Rojhilatê Sûriyeyê li gel Koalîsyona Navneteweyî li dijî çeteyan operasyon kirine.
Li gorî daxuyaniyê 8'ê Nîsanê li bajarê Hesekê li bajarokê Mergedayê çeteyek hate girtin.
10'ê Nîsanê jî li bajarokê Zêban ê Dêra Zorê serçeteyek, 11'ê Nîsanê jî li navçeya Til Berakê ya Qamişloyê çeteyek hatine girtin.
