Navenda Ragihandinê ya Hêzên Sûriyeya Demokratîk (QSD) bi daxuyaniyeke nivîskî agahiyên têkildarî operasyona li dijî hucreyeke çeteyên DAÎŞ'ê ragihand.

Di daxuyaniyê de wiha hate gotin:

"Yekîneyên Antîterorê yên girêdayî hêzên me şaneyeke aktîf a terorîstên DAÎŞ'ê ku ji 10 kesan pêk dihat, li herêma Reqayê ji hev xist û xistin binçavan. Şaneyê plan dikir ku kombûnên welatiyan û saziyên sivîl ên Rêveberiya Sivîl li bajarên Reqa û Tebqa û gelek cihên din di meha Remezanê de bikin armanc. Her wiha plan dikir ku çalakiyên hilweşîner pêk bîne û ewlehî û îstiqrara herêmê ji holê rake û keda Hêzên Ewlekariya Hundirîn di meha pîroz de bi bin bixe.

Yekîneyên Antî Terorê û piştî şopandina tevgera endamên şaneyê destwerdana hejmarek ji hucreyên ku endamên terorîst xwe tê de vedişart, kirin û çek, belge û alavên ragihandinê yên di destê şaneyê de desteser kirin.

Şaneya ku ji hêla serçeteyekî di nava DAÎŞ'ê de dihat birêvebirin, di nava wan de tevî endamên pêkanîna çalakiyan pisporekî teqemeniyan û yek ê peywendiyan jî hebûn."