Çalakiyên ji bo ronîkirina rewşa Rêberê Gelê Kurd Abdullah Ocalan piştî erdheja ku li Tirkiyeyê pêk hat, dewam dikin. Di vê çarçoveyê de Nivîsgeha Jinan a Meclîsa Malbatên Şehîdan a Tebqayê meşek li dar xist. Nûnerên Rêveberiya Sivîl a Demokratîk a Tebqayê, meclîsên leşkerî, endamên partiyên siyasî û tevgerên jin û ciwanan jî di nav de, bi sedan şêniyên Tebqayê beşdarî meşê bûn.

Meşê ji parka Şehîd Hevrîn Xelef dest pê kir û heta avahiya Meclîsa Malbatên Şehîdan berdewam kir. Di meşê de dirûşûmên "Bijî berxwedana Îmralî" û "Bê Serok jiyan nabe" hatin berzkirin. Di meşê de posterên Rêberê Gelê Kurd Abdullah Ocalan hatin hildan û pankarta bi nivîsên "Meclîsa Jinan a Malbatên Şehîdan dixwaze dimildest rewşa tenduristî ya Rêber gelan Abdullah Ocalan were aşkerakirin" hat vekirin.

Li ber avahiya Meclîsa Malbatên Şehîdan, hevseroka Meclîsa Malbatên Şehîdan a bajarokê Mensûra Foza El Mihemed daxuyaniyek xwend.

Di daxuyaniyê de bal hat kişandin ser rewşa Rêberê Gelê Kurd Abdullah Ocalan a ji ber erdheja ku di 4'ê Kanûnê de 32 kîlometre li bakurê rojavayê bajarê Bûrsayê pêk hat û Rêberê Gelê Kurd Abdullah Ocalan lê dîl tê girtin.

Di daxuyaniyê de hat ragihandin ku ev 26 sal in ji girava Îmraliyê ya ku Rêberê Gelê Kurd Abdullah Ocalan û hevalên wî lê dîl in, tu agahî nayê girtin û ev yek li dijî hiqûqa navneteweyî û prensîbên mirovahî ye û di nava gel de fikaran çêdike.

Di daxuyaniyê de bi navê şêniyên Tebqayê bang li dewleta Tirk a dagirker hat kirin ku rewşa Rêberê Gelê Kurd Abdullah Ocalan zelal bike û deriyê Îmraliyê li ber malbat, parêzer û bijîşkan veke. Her wiha bang li hemû gelan hat kirin çalakiyan zêdetir bikin ta agahî ji Rêberê Gelê Kurd Abdullah Ocalan werin girtin.