Piştî ku Hêzên Sûriyeya Demokratîk (QSD) Reqa ji çeteyên DAÎŞ’ê rizgar kirin gel vê înê bi azadî cejna xwe pîroz kir. Piştî ku cejn hate kirin serdana goristanan kirin û li ser goran Qur’an hatin xwendin, jinan şîranî gerandin.

Zarokên Reqayê jî tehma cejnê kirin, bi kêfxweşî xwe berdan nav kuçe û kolanan û şîranî xwarin.

Şêniyên Reqayê diyar kirin, piştî ku ew ji DAÎŞ’ê rizgar bûne wan cejna xwe bi aramî kiriye û gotin, bi têkoşîn û berxwedana şervanan ew bi rehetî dikarin biçin ser gora nas û xizmên xwe.

DEMA KU DAÎŞ HEBÛ CEJN NEBÛ

DAÎŞ’ê dema ku Reqa dagir kiribû û li herêmên dî jî nedihişt ku gel bi kêfxweşî cejna xwe pîroz bike.

Çeteyan qedexe kiribû ku gel biçe serdana goristanan û kiribû ku gelek mirov koç bikin, ziyan dabûne goristanan.