Li gorî Mala Çavdêriyê ya Mafên Mirovan a Sûriyeyê di nava du rojên dawîn de herî kêm 96 kes di şeran de mirine.

Ji meha Tebaxê ya ku agirbest hatibû îlankirin û heta niha, ev şerê herî dijwar e.

Mala Çavdêriyê diyar kir ku di 48 saetên dawîn de 51 endamên rejîmê û ji hember jî 45 kes mirine.

Îdlîb di bin kontrola Heyet Tahrîr El Şamê de ye ya ku Tirkiye piştgiriyê dide wan. Ev herêm û hin qadên li Helep, Hama û Lazkiyê ne di bin kontrola rejîmê de ye.

Ligel ku di 31’ê Tebaxê de agirbest hatibû îlankirin jî di hefteyên dawîn de gelek şer û bomberdûman tê kirin.