Derheqê êrîşên Tirk ên bi balafirên keşfê yên bi ser gundê Helincê yê Kobanê de, ku sê jinên sivîl şehîd bûn, Rêveberiya Xweser daxuyaniyek da.

Rêveberiya Xweser a Herêma Firatê êrîşa terorî ya Tirk a li ser gelê Kobanê şermezar kir, berpiryariya Rûsyayê ya ji vê êrîşê bi bîr xist, ji ber ku, li gorî lihevkirina beriya 7 mehan Rûsya ji ewlehî û aramiya herêmê berpirs e.

Rêveberiyê bangl i Rûsyayê kir ku xwedî li berpirsyariya xwe derkeve û li dijî êrîşên terorî yên Tirk ên li ser gelê Bakur-Rojhilatê Sûriyê bi berpirsyariya xwe rabe.

Rêveberiya Xweser a Herêma Firatê her wiha bang li DYE'yê û Koalîsyona Navnetewî jî kir ku bi rista xwe rabin, bi çarçoweya lihevkirinê ya têkilî herêma Bakur-Rojhilatê Sûriyê, ku di navbeyna DYE û dewleta Tirk de pêk hatibû, êrîşên Tirk asteng bikin.