Li ser banga Rêberê Gelê Kurd Abdullah Ocalan çalakgerên greva birçîbûnê û rojiya mirinê yên li Kurdistan û derveyî welat dawî li çalakiyên xwe anîbûn. Li herêma Cizîrê ya Rojavayê Kurdistanê jî çalakgeran dawî li çalakiya xwe anîn.

Hevseroka Şaredariya Girkê Legê Mûna Nasir ku ji Ereb e ji ajansa me re axivî û got; “Me bi pêşengiya Leyla Guven dest bi çalakiya girava birçîbûnê kir û me bi vê çalakiyê xwe me ji cîhanê re ragihand ku hemû pêkhate azadiya Abdullah Ocalan dixwaze.”

Endama rêveberiya dibistana a bajarokê Girkê Legê jî axivî û wiha got; “Wê roj bi roj berxwedana me bilind bibe. Ji bo azadiya Rêber Apo çi pêwîst be em ê bikin.”

Herî dawî mamoste Suha Bereket jî diyar kir heta ku Rêberê Gelê Kurd Abdullah Ocalan azad bibe wê çalakiyên xwe bidomînin.