Navenda Ragihandina Giştî ya Hêzên Ewlekariya Hundirîn der barê şehadeta Xalid El Nasir daxuyaniyek weşand.

Di daxuyaniyê de ev agahî hatin dayîn:

"Endamê me Xalid El Nasir 28’ê Kanûnê dema ku bersiv dida êrişeke çekdarî ku li dijî dewriyeya wan li ser rêya Kerama ya Reqa-Hesekê pêk hatibû, birîndar bûbû û ji ber birînên xwe gihaşt asta şehadetê.

Navê Şehîd: Xalid El Nasir
Navê Bav: Hebîb
Navê Dayikê: Temam
Dîroka Tevlêbûnê: 05.06.2017
Dîroka Şehadetê: 29.12.2022

Şehîd Xalid 5 salan di nava refên Asayîşê de bû, di vê wextê heval li ser erka parastina gelê xwe û axa xwe, erka ket ser milê xwe pêk anî. Hevalekî fedakar bû, çi jê dihat xwestin xwe jê neda paş, dudilî nekir û her tim bi ruhekî wetenî nêzîkî erka xwe dibû, lê di êrişeke çeteyan de gihişt asta şehadete.

Em wek Hêzên Ewlekariya Hundirîn sersaxiyê ji gelê xwe û malbata şehîd Xalid re dixwazin û em soza şopandina rêya şehîdan xwe yên bi rûmet didin."