Dewleta Tirk li Eyn Îsa komkûjiyek pêk anî
Artêşa Tirk a dagirker mala Xelef Zeyd Îsa a li gundê Sefawiyê yê rojhilatê navçeya Eyn Îsayê kirin hedef û ji malbatê 4 kes hatin qetilkirin.
Li gorî nûçeya ANHA’yê artêşa Tirk a dagirker û çeteyên wê li Eyn Îsa komkujiyek pêk aniye.
Di êrîşê de 4 endamên malbatê Zeyd Xelef El-Îsa (44) û zarokên wî Ziyad (12), Mûne û Hûda hatine qetilkirin.
Têkildarî çarenûsa dayikê û zarokekî din ê malbatê, agahiyên zêdetir nehatin bidestxistin.
Duh, gundê Sefawiyê ya 3 kêlometre dikeve rojhilatê depoyên Şergirak a başûrê rêya M4 bi çekên giran hatibû topbarankirin.
