Dewleta Tirk bombe li gundên Şehbayê barand
Dewleta Tirk û çeteyên wê bombe li gundên Şehbayê barand. Li Til Temirê jî liv û tevgera balafirên keşfê dewam dike.
Dewleta Tirk û çeteyên wê bi tang û fuzeyan gundên Ûm Qura û Ûm Hoş ên Kantona Şehbayê bomberan kirin.
Bombardûman piştî êrişa bi balafirên bêmirov ên biçek a dewleta Tirk li ser Kobanê hate kirin.
Dewleta Tirk 9'ê Gulanê êriş bir ser gundên Ûm Hoş û Ûm Qura û zewiyên ceh û genim ên li herêmê şewitand.
Di van kêliyan de balafirên dewleta Tirk li ser ezmanê Til Temirê digerin.
Liv û tevger bi êrişên hemdem ên dewleta Tirk li ser kantona Şehba û Kobanê pêk tê.
