Welatiyên navçeya Sirînê û gundewarên wê bi merasîmekê cenazeyê şervanê YPG’ê Setem Casim (Şevger) ku di Pêngava Bagera Cizîrê de şehîd bûbû, bi merasîmekê spartin axê.

Gel li pêşiya avahiya Saziya Malbatên Şehîdan a navçeya Sirînê li hev civiyan. Şervanên YPG’ê li vir merasîmeke leşkerî li dar xist. Di merasîmê de li ser navê Saziya Malbatên Şehîdan Kîlo Hisên, ji fermandarên YPG’ê Esmer Kobanê û li ser navê Meclîsa Tevgera Civaka Demokratîk (TEV-DEM) a navçeya Sirînê Abdulrehman Şêx Demir axivîn.

Di axaftina de hate gotin ku çawa di berxwedana Kobanê de ewqas şehîd û qurbanî hate dayîn ji bo ku Efrîn neyê dagirkirin ew ê bêhtir bedelan bidin û soza şopandina şehîdan hate dayîn.

Di dawiyê de  welatiyan darbesta şehîd Şevger li ser milan kirin û li gundê wî Eyoc ê dikeve başûrê rojhilatê navçeya Sirînê spartin axê.