Bi tevlîbûna sedan welatiyên Hesekê  cenazeyê şervanê QSD`ê Mihêdî El-Ebûd ku di 5`ê Adarê de li herêma El-Şihêl a Dêra Zorê şehîd bû ji pêşiya Meclîsa Malbatên Şehîdan wergirtin û ber bi goristanê ve ketin rê.

Li goristanê merasîm bi  deqeyek rêzgirtina leşkerî ya ji aliyê şervanên QSD`ê ve hate destpê kir.

Di merasîmê de li ser navê Meclîsa Leşkerî ya Dêra Zorê Fermandar Mihemed El-Sincar axivî û destnîşan kir ku ew ê heta serkeftinê şopdarên rêya şehîdan bin.

Mihemed El-Sincar anî ziman ku şehîd ji bo azadî û parastina gelên Bakur û Rojhilatê Sûriyê canê xwe feda kirine.

Di dawiya merasîmê de cenazeyê şehîd di nava dirûşme û tilîliyên dayikan de veşartin.