Girseya gel cenazeya şehîd Ebdulezîz Salim ji pêşiya Meclîsa Malbatên Şehîdan wergirt û bi karwaneke wesayîtan ber bi Goristana şehîd Dijwar a li gundê Dawidiyiê ve meşiyan.

Merasîma veşartinê li goristanê bi rêzgirtina şervanên YPG û  YPJ`ê destpê kir. Piştre li ser navê Meclîsa Malbatên Şehîdan Ezîza Hisên axivî û sersaxî ji malbata şehîd re xwest û got: "Ev şehîd şehîdên hezkirin û azadiyê ne,  ji bo parastina welat canê xwe feda kir."

Piştre jî li ser navê hêzên leşkerî Fermandarê Lîwaya Erka Xweparastinê ya Kantona Hesekê Mihemed Dawûd axivî û got: "Ger ne ji berdêlên şehîdan bûya, ev  destkeftiyên li herêmên Bakur û Rojhilatê Sûriyê pêk hatine, bi dest nediketin, ji lewre divê em parastina rêgez û nirxên ku ji bo wan gihaştine asta şehadetê bikin."

Endama Meclîsa Malbatên Şehîdan Rojda Ehmed nasnameya şehad xwend û radestî malbatê kir.

Cenazeyê Şehîd Ebdulezîz Salim bi tilîliyên dayikan û diruşmên silavkirina şehîdan hate veşartin.