Ji ber qedexeya giştî ya di çarçoveya tedbîrên xweparastina ji Koronayê ya li Bakur û Rojhilatê Sûriyeyê hatiye ragihandin li bajarê Minbicê bi tevlîbûna malbata şehîd Merî Hesen, endamên Meclîsa Malbatên Şehîdan û şervanên Meclîsa Leşkerî ya Minbicê merasîma cenaze hate lidarxistin.

Merasîm bi deqeyek rêzgirtina  şervanên Meclîsa Leşkerî ya Minbicê destpê kir, piştre ji fermandarên Meclîsa Leşkerî ya Minbicê Ebdulrehman El-Benawî soza şopandina rêya şehîdan da û got: "Em ê rizgarkirina vê xakê ji terorîstên ku hewl didin fitneyê derxin û aramî û îstiqrarê têk bibin, bidomînin."

Endama Meclîsa Malbatên Şehîdan Cemîle Îbrahîm nasnameya şehîd xwend û radestî malbatê kir. Cenazeyê şehîd di nava tilîliyên dayikan de spartin axê.