Dewleta Tirk a dagirker bombe li navçeya Zirgan a dikeve bakurê rojavayê Kantona Hesekê barand. Di êrîşê de leşkerekî Şamê jiyana xwe ji dest da, 4 kes ku 2 ji wan zarok bûn.
Dewleta dagirker ji saetên sibehê ve navenda Zirganê û bejahiya bakurê wê bi dijwarî bombe dike.
Li gorî çavkaniyên herêmî û nexweşxaneyê, di êrîşê de leşkerekî Şamê jiyana xwe ji dest da û 4 jî birîndar bûn ku 2 ji wan zarok in.
Birîndar rakirin nexweşxaneya Şehîd Xebat a Dirbesiyê.
Hate zanîn ku navê leşkerê jiyana xwe ji dest dayî ku endamê hêzên hikûmeta Şamê ye, Mehmûd El-Xerîb e.
Navê birîndaran wiha ye: Mihemed Qasim (20), Mueyed Ebdullah (32) û her du zarokên wî yên bi navê Mihemed Mueyed Ebdullah (7) û Teysîr Mueyed Ebdullah (5).
Li gorî agahiyên hatine bidest xistin, her du zarokên birîndar û bavên wan sewqî Nexweşxaneya Şehîd Sarya ya li Hesekê hatin kirin.
