Li Tirbesiyê bi sedan kes ji bo pêşwazîkirina cenazeyê endama hêzên Erka Xweparastinê Hêvîn Osman (Dilsoz Tirbespiyê), berê xwe dan Goristana Şehîd Dilşêr a li gundê Dugirê yê li rojhilatê navçeyê.

Di merasimê de endamê rêveberiya Meclisa Malbatên Şehîdan a Tirbespiyê Ebdî Xelef axivî û destnîşan kir ku armanca dewleta Tirk a dagirker ev e ku bi êrîşan re gel koç bike û herêm were qirkirin.

Xelef diyar kir ku heta serkeftinê ew ê rêya şehîdan bin û wiha got: “Em malbatên şehîdan îro li pêş cenazeyê şehîd Dilsoz sekinîne, em soz didin ku em ê çeka şehîdên xwe rakin û heta heta serkeftinê li ser rêya wan têbikoşin.”

Li ser navê Hêzên Xweparastinê Fermandar Herekol Ehmed axivî û da zanîn komekê şervanên wan bi armanca tirsandin û koçberkirina şêniyan bi balafirên bêmirov hatine hedefgirtin.

Ehmed tekez kir ku berdêl çiqas giran be jî, ew ê li hember êrişên li dijî gelê Bakur û Rojhilatê Sûriyê têkoşînê bidomînin.

Piştî axaftinan belgeya şehadetê ya şehîd Dilsoz hate xwendin û radestî malbata wî hate kirin.

Dilsoz Tirbespiyê duh di êrişa balafira bêmirov a biçek a artêşa Tirk a dagirker de dema li navenda berpirsa parastina nexweşxaneyên Qamişlo hedef girt, şehîd bû.