Şêniyên Qamişloyê şehîd Tayland Qamişlo ku 24’ê Adarê di encama krîza dil de jiyana xwe ji dest dabû, îro li Goristana Şehîd Delîl Saroxan veşartin.

Endamê Meclîsa Malbatên Şehîdan a Qamişloyê Keyfo Osman di merasîmê de axivî û got: "Meha Adarê meha şehadetê ye. Meha şehîd Mazlûm Dogan e ku tevgera azadiyê bi rê ve bir û li ber xwe da. Em îro dîsa qehremanên xwe yên ku berxwedaneke mezin nîşan daye û xwedî li gel û axa xwe derdikevin, bi bîr tînin û di vê meha pîroz de em li pêşberî hemû şehîdan soza xwe nû dikin.”

Hevserokê Desteya Hundirîn a Herêma Cizîrê Kenan Berekat jî got: "Şehîd Mihemed ji sala 2013’an ve bi fedakariyeke mezin di nava hêzên leşkerî de tê koşiya. Şehîdên me ji bo parastina gel û xaka xwe kedeke mezin da."

Kenan Berekat îşaret bi yekîtî û têkoşîna gelan kir û got: "Gelê me bi êşeke mezin re rû bi rû ma, lê tu carî dev jê berneda, têkoşîna xwe domand. Îro gelê Bakur û Rojhilatê Sûriyê pêşengiya şoreşê dike. Gelên Ereb, Kurd, Ermen, Asûr û Suryan projeya neteweya demokratîk pêk tînin."

Piştî axaftinan belgeya şehadetê ya şehîd Tayland Qamişlo hate xwendin û radestî malbata wî hate kirin. Merasîm bi dirûşmên “Şehîd namirin” bi dawî bû.