Bi tevlîbûna bi sedan şêniyên Minbicê, karwaneke girseyî ji pêş Nexwexaşeya Firatê ber bi Goristana Şehîdan a rojavayê bajêr kete rê.

Li goristanê şênî deqeyeke rêz girt û şervanên Meclîsa Leşkerî ya Minbicê merasîmek leşkerî lidar xistin û piştre ji fermandarê Meclîsa Leşkerî ya Minbicê Îbrahîm Hemdan wiha got: "Serê malbatê sax be û rola şehîd di rizgarkirina Minbicê de ya mezin e. Şehîd beşdarî gelek hemleyên li herêmên Bakur û Rojhilatê Sûriyê bû."

Piştre endama Meclîsa Malbatên Şehîdan Hesnaa Zahir wiha axivî: "Şehîdan dîrok afirand û efsaneyên qehreman ji bo parastina xak û welat nivîsandin."

Bi navê Rêveberiya Xweser a Demokratîk a Minbicê, Hevserokê Komîteya Fêrkirin û Perwerdê Suhêl Walî jî wiha got: "Divê em fikirên şehîdan belav bikin û li ser şopa wan a parastina wela bimeşin."

Li ser navê Rêveberiya Xweser a Minbic û Gundewarên wê, hevserokê Komîteya Karên Civakî ya Rêveberiya Xweser Farûq Maşî axivî û îşaret bi rola şehîdan a neşxekirina pêşerojê kir  û got divê ew parastina destkeftiyan bikin.

Endama Meclîsa Malbatên Şehîdan Cemîle Îbrahîm wesîqeya şehîd xwend û radestî malbatê kir û piştre cenazeya şehîd di nava telîliyên dayikan û silavkirina şehîdan de veşartin.